رؤى البلتاجي خريجة كلية الزراعة جامعة عين شمس قسم إنتاج حيواني، صاحبة براند متخصص فى بوكيهات الورد الستان (Hand made ) والصناعى .
هاند ميد
الفكرة الأساسية للبراند تعتمد على صناعة الورود يدويًا من قماش الستان (Handmade satin flowers)، وهو شغل دقيق يصنع بأيدي تهتم بالتفاصيل، وبلمسة فنية توصل الإحساس قبل الشكل. كما ساهمت رؤي في استخدام الورد الصناعي لتجهيز بعض البوكيهات حسب الطلب، بحيث توفر للعملاء تنوع في الخامات والأفكار مع المحافظة على الجودة والرُقي.
هاند ميد
وعن بداية المشروع وسر انطلاقه تقول رؤى تامر البلتاجي
رغم إن دراستي كانت بعيدة تمامًا عن مجال شغلي الحالي، لكن حبي للورد وللمشغولات اليدوية موجود منذ الصغر كنت أحب شغل الكروشيه والخرز مع حب الرسم وكنت
أحب الشغل اليدوي وأصمم حاجات رقيقة، وكنت اجد متعة في شغل الهاند ميد خصوصاً بعد الانتهاء من صنع البوكيه هنا أشعر بقيمة تعبى فيه وأكون فخوره جداً بنفسى .
من هنا بدأت رحلتي مع مشروعي ROZA.girly corner، كفكرة بسيطة جدًا، لكن كنت مؤمنة بها وأعمل من قلبي بكل حب.
هاند ميد
وعن ما تم تحقيقه تقول رؤى البلتاجي:
الحمد لله حققت مبيعات جيدة جدًا، وكان فيه إقبال كبير على شغلي، و اراء الناس فى شغلى وتشجيعهم المستمر الذي يعطني دفعة قوية لأطور من نفسي وأوسع من نطاق عملي وتمكنت من
إضافة أعمال أخرى مع بوكيهات الورد الستان مثل مرايات قراءة الفاتحة، وكافة المناسبات التي تضيف بهجة على حياة الناس.
وبدأ البراند يكبر يوم بعد يوم، وكنت فخورة جدًا بكل قطعة صممتها وكل فتاة تطلب حاجة من ROZA وتشعر انها معمولة بحب مخصوص لها وواثقة فينا .
هاند ميد
ومن النجاحات اللي اعتز بها جدًا، ظهوري مرتين على التليفزيون في برنامج "هي والحياة" على قناة القاهرة الثالثة، وهذا ساعدني أوصل لناس أكتر، وزود ثقة المتابعين في شغلي.
وفى كل خطوة فى مشوارى ، كان فى دائماً سند حقيقي أسرتي فلولاهم لم أكن لاحقق نجاح حقيقي.
وعن أهم الصعوبات التي تواجه المشروع تقول رؤى البلتاجي
أكبر تحدي حاليا هو التوصيل للمحافظات، لأن طبيعة شغلي حساسة جدًا، والورد يحتاج تعامل خاص ليصل سليم ومرتب للعميل فكنت اخاف من الشحن يبهدل القطعة، وهذا ما يجعلني أتردد أحيانًا في التوسع في المحافظات، رغم الطلبات اللي تصلني من خارج القاهرة.
هاند ميد
وعن الأحلام والطموحات تقول رؤى البلتاجي
نفسي أكبر البراند أكتر واجعله من الأسماء المعروفة في مجال الورد والكوشات ومستلزمات العروسة ويكون لي فروع فى كل المحافظات، وحاليا أتوسع أكتر على المرايات الخاصة بقراءة الفاتحة، وتنسيقات الورود، وكل حاجة تخص البنات في لحظاتهم الحلوة، نفسي ROZA يكون علامة مميزة في كل بيت… وخصوصًا في لحظات الفرحة.
هاند ميد
وتكمل أنا مؤمنة جدًا إن مفيش حلم بعيد.
أي بنت ممكن تبدأ من أبسط الإمكانيات، ومن بيتها، وتحقق نجاح حقيقي لو عندها شغف وإصرار.
هاند ميد
كل حاجة بتتعمل بحب… بتوصل للناس.
وأنا بحاول من خلال شغلي أفرّح البنات، وأكون جزء صغير من لحظة مهمة في حياتهم.