ضربة شمس للمانجو؟! احذروا الإجهاد الحراري والميكانيكي!

يعني إيه “إجهاد حراري”؟

لو الحرارة زادت عن درجة التحمل المثالية للشجرة، بتبدأ تفقد مياه عن طريق النتح أسرع من ما الجذور تقدر تمتصه.
واللي بيحصل؟
الشجرة تشفط ميّة من الثمار علشان تعيش!
النتيجة:
طبقة انفصال تتكون
الثمرة تصفر
تسقط ومحدش يستفيد بيها!

الإنقاذ السريع لشجرتك:
1.زَوِّد الري علشان تعوّض الميّه اللي بتتبخر.
2.ابعد عن التسميد دلوقتي!
الأسمدة في الحر بتزود الطين بلة… وتسقط الثمار أسرع!
3.رش بسليكات البوتاسيوم تقلل النتح (لكن تأثيرها محدود).
4.التركيبة العجيبة للتحجيم:
 •5 لتر لكل 600 لتر ميه
فيها: نيتروجين، فوسفور، بوتاسيوم
عناصر صغرى، أوكسينات، خميرة، عسل، جبرلينات، أحماض أمينية، فولفيك
كله طبيعي ومفيد
النتيجة: ورق أخضر غامق ونبات أقوى في 3 أيام بس!

وما تنساش “الضرب الميكانيكي” للحر!
 • الشمس الحامية بتحرق الثمار وتعمل بقع سوداء تقلل القيمة التسويقية.
 • الحل؟ حافظ على ورق قوي وكثيف يحمي الثمار.
 • ممكن ترش كولينا، بتعمل طبقة واقية على سطح الثمرة.

تحذير هام:

ابعد عن رش مبيدات الحشائش الأيام دي!
ممكن تسبب تساقط للثمار وانت مش واخد بالك.
 • امشي على الحشائش بإيدك حوالين الشجرة وخليها نظيفة